Bakı, AzerVoice

ABŞ-ın elektrikli avtomobil istehsalçısı Tesla-nın proqramlarındakı problemdən dolayı ABŞ-dakı 1,8 milyondan çox avtomobili geri çağıracağı bildirilir.

AzerVoice xəbər verir ki, bu barədə ABŞ Milli Avtomobil Yolları Trafik Təhlükəsizliyi İdarəsi (NHTSA) tərəfindən açıqlama verilib.

Açıqlamada, avtomobillərin kapotunun qəflətən açılması və nəticədə sürücünün yolu görə bilməməsinə səbəb ola biləcək proqram təminatı ilə bağlı problemə görə ABŞ-dakı 1,8 milyondan çox avtomobili geri çağıracaq.

Sözügedən qərarın 2021-2024-cü illər arasında istehsal edilən Model 3, Model S, Model X və Model Y avtomobillərini və 2020-2024-ci illər arasında istehsal edilən Model Y avtomobillərini əhatə etdiyi ifadə edilib.

Problem ilk dəfə mart ayında Çində “Tesla” sahiblərinin kapotun təsadüfən açılması barədə şikayət etməsi ilə məlum olub.

Araşdırma zamanı problemin kapotun kilid açarının deformasiyası ilə əlaqəli olduğu aşkar edilib. Bu, müştərilərin kapotun açıq olması barədə bildirişlər almasına mane olur.

Bildirilib ki, problem kapotun qapağı ilə əlaqədar olsa da, proqram yeniləməsi ilə həll edilə bilər.