AzerVoice xəbər verir ki, Rodriges ABŞ administrasiyası ilə həyata keçirilən neft ticarətinə toxunub.
O bildirib ki, Vaşinqtonun Venesueladan aldığı 500 milyon dollarlıq neft satışının ilk ödənişi artıq ölkəyə daxil olub.
Rodrigesin sözlərinə görə, ilkin mərhələdə nəzərdə tutulan 500 milyon dolların 300 milyon dolları Venesuela Mərkəzi Bankının hesabına köçürülüb. O, bu vəsaitin daxili bazarın möhkəmləndirilməsi və iqtisadi sabitliyin təmin olunması baxımından mühüm əhəmiyyət daşıdığını vurğulayıb.
Rodriges inflyasiya və valyuta bazarındakı dalğalanmalara qarşı tədbirlərin görüldüyünü, ölkəyə xarici valyuta axınının davam edəcəyini də qeyd edib.
ABŞ Ağ Evinin sözçüsü Kerolayn Livitt daha əvvəl Vaşinqton ilə Karakas arasında 500 milyon dollar dəyərində neft sazişinin imzalandığını açıqlamışdı. Livitt ABŞ-nin Venesuela müvəqqəti hökuməti üzərində maksimum təsirə malik olduğunu iddia etmişdi.
ABŞ Prezidenti Donald Tramp isə Venesuelanın ABŞ-yə 30–50 milyon barel neft tədarük edəcəyini bəyan etmişdi.