BAKI,AzerVoice, Fərid Mikayılov
Qəzzaya humanitar yardım aparmaq üçün Yunanıstandan yola çıxan Azadlıq Flotiliyası, Yunanıstanın axtarış-xilasetmə (SAR) məsuliyyət sahəsində dron hücumuna məruz qalıb.
AzerVoice xəbər verir ki, Flotiliya təşkilatçıları bildiriblər ki, hücum nəticəsində gəmilərdə kiçik zədələnmələr olsa da, bu, missiyanın davamına mane olmayıb.
Azadlıq Flotiliyası bütün çətinliklərə baxmayaraq yoluna qətiyyətlə davam edir.
Yayılan bəyanatda Yunanıstan hökuməti və Sahil Mühafizəsi beynəlxalq hüquqa uyğun hərəkət etməyə və məsuliyyət daşımağa çağırılıb.
“Yunanıstan Sahil Mühafizəsi öz məsuliyyət bölgəsində hər bir dəniz vasitəsinin və insan həyatının təhlükəsizliyini təmin etməlidir. Yunan hakimiyyəti və Sahil Mühafizəsi dərhal hərəkətə keçməli, mümkün faciənin qarşısını almalıdır”- deyə bildirilib.
