BAKI,AzerVoice, Fərid Mikayılov

Yəmən silahlı qüvvələri İsrailin Tel-Əviv şəhərində yerləşən bir neçə strateji obyektə hərbi əməliyyat həyata keçirib.

AzerVoice xəbər verir ki, bu barədə Yəmən silahlı qüvvələrinin sözçüsü Yəhya Səriə bildirib.

Sari bildirib ki, bu hücum İsrailin Qəzzadakı “soyqırım xarakterli” əməliyyatlarına və Yəmənə endirilən zərbələrə cavab olaraq icra olunub. Onun sözlərinə görə, əməliyyat uğurla başa çatıb və milyonlarla israilli sığınacaqlara üz tutmağa məcbur olub.

Yəmən rəsmisi əlavə edib ki, onlar həmçinin dronlarla Eylat şəhərində iki mühüm hədəfi vurub.

O vurğulayıb ki, İsrailin Qəzzaya qarşı hücumları dayandırılmayana və blokada aradan qaldırılmayana qədər bu tip əməliyyatlar davam etdiriləcək.

Səriə, həmçinin, İsrailin Qəzzadakı hərbi əməliyyatlarına qarşı Ərəb və İslam dünyasının yeganə cavab yolunun müqavimət və fələstinlilərə dəstək olduğunu qeyd edib.

Digər tərəfdən, İsrail ordusu bazar ertəsi açıqlama yayaraq Yəməndən raket atıldığını təsdiqləyib. Rəsmi məlumatda, hava hücumundan müdafiə sistemlərinin raketi zərərsizləşdirdiyi və bir sıra bölgələrdə həyəcan siqnallarının işə düşdüyü bildirilib.