BAKI, AzerVoice, Nailə Babazadə
İsveç hökuməti 2026-cı ildən etibarən ibtidai, orta və yuxarı məktəblərdə ağıllı mobil telefonların istifadəsini qadağan etmək barədə qərar verib.
AzerVoice xəbər verir ki, İsveçin Təhsil naziri Simona Mohamsson, ölkənin rəsmi radiosu SR-ə verdiyi açıqlamada bildirib ki, bütün məktəb pillələrində şagirdlərin dərs vaxtı ilə yanaşı tənəffüslərdə də telefon istifadə etməsinə icazə verilməyəcək.
Nazir əlavə edib ki, bu qərarın həyata keçirilməsi üçün hökumət 10 milyon dollar büdcə ayırıb.
Rəsmilərin sözlərinə görə, bu addım təhsil mühitinin keyfiyyətini artırmaq və şagirdlərin diqqət və sosial bacarıqlarını gücləndirmək məqsədi daşıyır.