BAKI, AzerVoice, Nailə Babazadə

Avstraliyada 16 yaşdan kiçik uşaqlar üçün sosial media qadağasına populyar forum saytı Reddit və canlı yayım platforması Kick də daxil edilib.

AzerVoice xəbər verir ki, ABC News-in xəbərinə görə, 10 dekabrdan qüvvəyə minəcək qadağa çərçivəsində indiyə qədər Facebook, X, Snapchat, TikTok, YouTube, Instagram və Threads kimi ümumilikdə yeddi platforma hədəfə alınmışdı.

Avstraliya Rabitə Naziri Anika Wells açıqlamasında bildirib ki, bu platformalarla yanaşı Reddit və Kick də qadağa çərçivəsinə salınacaq.

Nazir Wells qeyd edib ki, sosial media platformaları uşaqlar üzərində “ürküdücü bir nəzarət gücünə” malikdir və qadağanın tətbiqi üçün “heç bir bəhanə yoxdur”.

Avstraliyanın internet təhlükəsizliyinə cavabdeh eSafety Komissiyası bildirib ki, bu platformalar yalnız “onlayn sosial qarşılıqlı əlaqə təmin etmək” məqsədilə fəaliyyət göstərdikləri üçün qadağaya daxil ediliblər.

Qanunla texnologiya şirkətləri 16 yaşdan kiçik istifadəçilərin mövcud hesablarını bağlamaz və yeni hesab açılmasının qarşısını almaq üçün “məqbul addımlar atmazlarsa”, təxminən 50 milyon Avstraliya dolları (təxminən 32,5 milyon ABŞ dolları) həcmində cərimə oluna bilər.

Dünyada bir ilk olaraq tətbiq ediləcək yeni qanuna görə, 16 yaşdan kiçik uşaqlar YouTube videolarını izləyə biləcəklər, lakin hesab yarada bilməyəcəklər; buna görə də məzmun yükləmək və platformada qarşılıqlı əlaqədə olmaq imkanı olmayacaq.