BAKI, AzerVoice, Səməd Əyyubov
Havay adalarında dördüncü kateqoriyalı “Kiko” qasırğasının yaxınlaşması ilə əlaqədar fövqəladə vəziyyət elan edilib.
AzerVoice xəbər verir ki, bununla bağlı Havay ştatının qubernatoru vəzifəsini icra edən Silviya Lyuk bəyanat yayıb.
“Qərar əhalinin sağlamlığını, təhlükəsizliyini və rifahını qorumaq üçün fövqəladə tədbirlərin və resursların işə salınmasını nəzərdə tutur. ‘Kiko’ qasırğası ilə əlaqədar güclü küləklər, leysan yağışlar və hündür dalğalar sentyabrın 8-də, bazar ertəsi günü ştatın bəzi hissələrinə təsir göstərə bilər” – deyə bəyanatda vurğulanıb.
Fövqəladə vəziyyət sentyabrın 5-dən 19-na qədər qüvvədə olacaq.
Qeyd edək ki, “Kiko” qasırğası hazırda Havay ştatının Hilo şəhərindən təxminən 1,6 min kilometr şərqdə yerləşir. Küləyin maksimal sürəti saniyədə 63 metrə çatır. Qasırğaya Safir-Simpson şkalası üzrə dördüncü kateqoriya verilib.