BAKI, AzerVoice, Nərmin Ağayeva
Vyetnamı vuran “Kajiki” tayfunu səbəbindən ölənlərin sayı 7-yə, yaralıların sayı isə 34-ə yüksəlib, bir nəfərin isə itkin düşdüyü bildirilir.
AzerVoice xəbər verir ki, Vietnam News-un məlumatına görə, tayfunun yaratdığı leysan yağışlar və daşqınlar ölkədə ciddi fəsadlara səbəb olub. Təxminən 1,6 milyon insan elektrik enerjisindən məhrum olub, 15 ev tamamilə dağılıb.
Vyetnamın Baş naziri Pham Minh Chinh yerli hakimiyyətlərə axtarış-xilasetmə əməliyyatlarını sürətləndirməyi tapşırıb. Tayfun səbəbindən Çinin Hainan adasında da avqustun 23-də 4-cü dərəcəli fövqəladə vəziyyət elan edilib.
Kajiki, 2025-ci ildə Sakit okeanda əmələ gələn 13-cü tayfun kimi qeydə alınıb.