BAKI, AzerVoice, Fərid Mikayılov
Finlandiya Prezidenti Aleksander Stubb İsrailin Qəzzada həyata keçirdiyi hərbi əməliyyatları beynəlxalq hüququn pozulması kimi dəyərləndirib.
AzerVoice xəbər verir ki, BMT-yə bağlı qlobal aclıq monitorinqi təşkilatı ötən həftə Qəzza şəhəri və ətraf ərazilərdə rəsmi aclıq vəziyyətinin elan edildiyini açıqlayıb və bu vəziyyətin daha da genişlənəcəyini bildirib.
İsrail isə bu qiymətləndirməni rədd edərək iyul ayının sonundan bəri bölgəyə yardımın artırılması istiqamətində addımlar atıldığını iddia edib.
Qəzza Səhiyyə Nazirliyi bazar günü bildirib ki, son 24 saatda aclıq və qida çatışmazlığı səbəbindən daha 8 nəfər ölüb.
Bununla da, müharibənin başlanmasından bəri aclıqdan həyatını itirənlərin sayı 289-a, o cümlədən 115 uşağa yüksəlib.
İsrail isə HƏMAS-ın idarə etdiyi nazirliyin açıqladığı rəqəmlərə şübhə ilə yanaşır.
