BAKI, Azervoice, Nərmin Ağayeva
Tehran ABŞ və İsrailin yeni hücumuna qarşı “qətiyyətli və fərqli” cavab verəcəyini açıqlayıb.
Azervoice xəbər verir ki, İran Baş Qərargah rəisi Əbdülrəhim Musəvi ABŞ Prezidenti Donald Trampın uranın zənginləşdirilməsi ilə bağlı xəbərdarlığından sonra “istənilən yeni təcavüz keçmişdən fərqli olaraq qəti və sarsıdıcı cavabla qarşılanacaq”- deyə bildirib. Musəvi həmçinin bütün cəbhələrdə müharibəyə hazır olmağa çağırış edib.
Xatırladaq ki, Tramp çərşənbə axşamı Vaşinqtonda iyun ayında İranın nüvə obyektlərinə edilən hücumları müdafiə edərək bildirib ki, İran yenidən zənginləşməyə başlayarsa, ABŞ da geri dönəcək və yaxın illərdə İranın vəziyyəti fərqli olacaq.
Qeyd edək ki, Tehran ABŞ-la danışıqlardan imtina edib və uranın zənginləşdirilməsi fəaliyyətini davam etdirməklə gərginliyi artırır.