BAKI, AzerVoice, Səməd Əyyubov – Rusiyanın Kamçatka yarımadasının sahillərində 6,8 bal gücündə zəlzələ baş verib.
AzerVoice xəbər verir ki, bu barədə Rusiya Elmlər Akademiyasının Geofizika Xidmətinin Kamçatka filialının "Telegram" kanalında məlumat verilib.
Məlumata görə, zəlzələnin intensivliyi ilkin qiymətləndirməyə görə 4 bal təşkil edib. Yeraltı təkanların ocağı Petropavlovsk-Kamçatski şəhərindən 279 km məsafədə, 25,9 km dərinlikdə yerləşib.
Qeyd edək ki, seysmoloqların bildirdiyinə görə, bölgədə seysmik aktivlik azalmaqda olsa da, hələ də yüksək olaraq qalır. İyulun 30-da baş vermiş 8,8 maqnitudalı zəlzələdən sonra afterşokların bir neçə ay davam edəcəyi proqnozlaşdırılır.
