BAKI, AzerVoice, Səməd Əyyubov

Qəzzadakı vəziyyət davam etdirilə bilməyəcək bir hal alıb.

AzerVoice xəbər verir ki, bunu İtaliyanın Baş naziri Corcia Meloni İsrailin Baş naziri Benyamin Netanyahu ilə telefon danışığı zamanı deyib.

O, telefon danışığı zamanı regiondakı zorakılıq və qarşıdurmaların dərhal dayandırılmasına çağırıb.

Meloni həmçinin humanitar yardım keçidinin maneəsiz şəkildə təmin edilməsinin vacibliyini vurğulayıb.

Qeyd edək ki, Qəzza zolağında vəziyyət getdikcə daha da ağırlaşır. İsrailin hücumları və humanitar yardımın girişinə qoyulan ciddi məhdudiyyətlər nəticəsində bölgə aclıq, susuzluq və dərman çatışmazlığı ilə üz-üzədir. Əsasən uşaqlar olmaqla, aclıq səbəbindən ölüm hallarının sayı artır. 2023-cü il oktyabrın 7-dən bu yana aclıqdan həyatını itirən fələstinlilərin sayı 154-ə çatıb, onlardan 89-u uşaqdır.

Yerli və beynəlxalq qurumlar İsrailin aclıq və susuzluğu silah kimi istifadə etdiyini bildirir.

İsrailin 2023-cü il oktyabrın 7-dən bəri Qəzzaya təşkil etdiyi hücumlar nəticəsində azı 60 239 fələstinli həlak olub, 146 894 nəfər yaralanıb.