BAKI, AzerVoice
30 İyul tarixində Rusiyanın şərqində yerləşən Kamçatka bölgəsində baş verən güclü zəlzələ, müasir dövrdə qeydə alınmış ən böyük təbii fəlakətlərdən biri kimi tarixə düşdü. 8,8 bal gücündə olan zəlzələ, dünyada baş vermiş ən güclü 10 zəlzələ siyahısına daxil edilib.
AzerVoice xəbər verir ki, Kamçatka yarımadası yaxınlığında qeydə alınan zəlzələ 1952-ci ildən bəri bölgədə baş verən ən dağıdıcı təbii hadisə kimi qiymətləndirilir. Zəlzələ səbəbilə bölgədə fövqəladə vəziyyət elan edilib, ABŞ və Yaponiya kimi yaxın ölkələrdə isə sunami təhlükəsi ilə bağlı xəbərdarlıq verilib.
Kamçatkada baş verən bu zəlzələ, insan yaddaşında dərin iz buraxan digər dağıdıcı zəlzələləri də yada saldı. Bunlar arasında ən güclü olanlar aşağıdakılardır:
1. Valdivia Zəlzələsi (Çili, 1960) – 9,5 bal
Dünyada qeydə alınmış ən güclü zəlzələdir. Güclü sunami dalğalarına səbəb olan bu zəlzələdə 1600-dən çox insan həlak olub.
2. Alyaska Zəlzələsi (ABŞ, 1964) – 9,2 bal
Təxminən 5 dəqiqə davam edən zəlzələ sunami ilə birlikdə 130 nəfərin ölümünə səbəb olub.
3. Sumatra-Andaman Zəlzələsi (İndoneziya, 2004) – 9,1 bal
230 min insanın ölümünə səbəb olan bu zəlzələ Asiya və Afrika sahillərində böyük dağıntılara yol açıb.
4. Tohoku Zəlzələsi (Yaponiya, 2011) – 9,1 bal
Fukusima Atom Elektrik Stansiyasında qəza ilə nəticələnən zəlzələ və sunami 18 minə yaxın insanın ölümünə səbəb olub.
5. Kamçatka Zəlzələsi (Rusiya, 1952) – 9,0 bal
İnsan itkisi olmasa da, 9,1 metrlik sunami Havay sahillərinə qədər çatmışdı.
6. Biobio Zəlzələsi (Çili, 2010) – 8,8 bal
1,5 dəqiqə davam edən zəlzələdə 500-dən çox insan həyatını itirib. Zəlzələnin təsiri Latın Amerikası ölkələrində də hiss olunub.
7. Ekvador Zəlzələsi (1906) – 8,8 bal
Sunami nəticəsində 1500 nəfər həlak olub.
8. Alyaska Zəlzələsi (1965) – 8,7 bal
11 metrlik sunami dalğaları qeydə alınsa da, insan tələfatı baş verməyib.
9. Assam Zəlzələsi (Tibet, 1950) – 8,6 bal
750-1500 nəfərin ölümünə və kəndlərin məhv olmasına səbəb olub.
10. Sumatra Zəlzələsi (İndoneziya, 2012) – 8,6 bal
Güclü olmasına baxmayaraq, ciddi insan itkisi qeydə alınmayıb
