BAKI, AzerVoice
Suriyanın İdlib vilayətinin şimalında yerləşən Termanin qəsəbəsində bir evdə partlayış baş verib.
AzerVoice xəbər verir ki, bu barədə Suriyanın Mülki Müdafiə Xidməti məlumat yayıb.
Bildirilib ki, partlayış nəticəsində üç nəfər həlak olub. Ölənlər arasında bir qadın və bir uşaq da var. Həmçinin, eyni ailədən olan üç nəfər yaralanıb.
Suriya televiziyası isə bildirib ki, partlayış, bir mülki şəxsin silah-sursatı sökməyə çalışdığı zaman baş verib.
Xatırladaq ki, ötən gün İdlib vilayətinin şimal-qərbində silah anbarında bir sıra partlayışlar baş verib. Hadisə nəticəsində bir neçə nəfər həlak olub.