BAKI, AzerVoice
ABŞ Prezidenti Donald Tramp bildirib ki, Ukrayna məsələsində irəliləyiş əldə olunmazsa, Rusiyaya qarşı ikinci dərəcəli sanksiyaların tətbiqi hələ də gündəmdədir.
AzerVoice xəbər verir ki, bu barədə Tramp jurnalistlərin suallarını cavablandırarkən deyib.
“Bütün mənzərəyə baxacağıq və yəqin ki, ikinci dərəcəli sanksiyalar tətbiq edəcəyik” – deyə, Tramp qeyd edib.
Tramp xatırladıb ki, o, 14 iyul tarixində Rusiya ilə Ukrayna arasında sülh sazişi bağlanması üçün 50 günlük müddət verib.
O, yaxın zamanda Rusiya Prezidenti Vladimir Putinlə görüş planlaşdırıb-planlaşdırmadığı sualına cavab verməkdən imtina edib.
Qeyd edək ki, Tramp iyul ayının əvvəlində bəyan etmişdi ki, əgər Moskva 50 gün ərzində Kiyevlə sülh sazişi imzalamağa razılaşmazsa, Vaşinqton Rusiya neftinin alıcılarına qarşı 100 faizlik ikinci dərəcəli rüsumlar və digər sanksiyalar tətbiq edə bilər.
