BAKI, AzerVoice
İsrail Qəzzada çadırları hədəf alıb. Ölənlər və yaralananlar var.
AzerVoice xəbər verir ki, Fələstinin WAFA xəbər agentliyinin məlumatına görə, İsrail ordusu Qəzza şəhərinin qərbində, Şati Qaçqınlar Düşərgəsinin şimalında yerlərindən didərgin düşmüş fələstinlilərin çadırlarını hədəfə alıb.
İsrailin hücumu nəticəsində aralarında qadın və uşaqların da olduğu 14 fələstinli həlak olub, 25-i yaralanıb. Ölənlər və yaralılar Qəzzanın Şifa xəstəxanasına gətirilib.
İsrailin hücumları və humanitar yardımı məhdudlaşdıran sıx mühasirə altında olan Qəzza zolağı geniş aclıq və su, dərman, tibbi ləvazimat və gigiyena ləvazimatlarının çatışmazlığı ilə humanitar fəlakət yaşayır.
Mülki infrastruktur da daxil olmaqla Qəzzanın 88%-ni məhv edən İsrail ordusu, deportasiya əmrləri ilə köçkün düşmüş fələstinliləri yerləşdikləri bölgələrdə tez-tez hədəfə alır.
Qeyd edək ki, 7 oktyabr 2023-cü ildən bəri İsrailin Qəzza zolağına hücumları nəticəsində ən azı 59 029 fələstinli həlak olub, 142 135 nəfər yaralanıb.
