BAKI, AzerVoice
Pakistanda iyunun sonunda ölkəyə təsir edən güclü musson yağışları nəticəsində ölənlərin sayı 202-yə çatıb.
AzerVoice xəbər verir ki, Hayber Paxtunxva, Pəncab, Sind və Bəlucistan əyalətlərində davam edən musson yağışları can və mal itkilərinə səbəb olmaqda davam edir.
Milli Fəlakət İdarəetmə Qurumunun (NDMA) verdiyi açıqlamaya görə, iyun ayının sonundan etibarən güclü yağışların səbəb olduğu fəlakətlər nəticəsində həyatını itirənlərin sayı 202-yə yüksəlib.
Açıqlamada ən çox ölüm sayının 123 nəfərin həyatını itirdiyi Pəncabda, 40 nəfərin Hayber Paxtunxvada, 21 nəfərin Sind əyalətində, 16 nəfərin Bəlucistanda, paytaxt İslamabad və Azad Cammu və Kəşmirdə isə hər birində bir nəfərin öldüyü bildirilib.
Yağışlar nəticəsində 560-dan çox insanın xəsarət aldığı bildirilən açıqlamada musson yağışlarından zərər çəkən rayonlarda əksər yolların, evlərin və ictimai binaların yararsız hala düşdüyü, infrastruktura ciddi ziyan dəydiyi vurğulanıb.
Qeyd edək ki, hər il iyul-sentyabr ayları arasında Pakistanın bir çox şəhərlərinə təsir edən musson yağışları ölkədə yüzlərlə insanın ölümünə və maddi itkilərə səbəb olur.
