BAKI, AzerVoice, Nailə Babazadə

Türkiyə Enerji və Təbii Sərvətlər naziri Alparslan Bayraktar bildirib ki, Türkiyə ilə Pakistan arasında Pakistanın 3 dəniz və 2 quru sahəsində neft və qaz axtarışı və istehsalı ilə bağlı müqavilələr imzalanıb. Bu anlaşmalar Türkiyə Neft Şirkəti (TPAO) ilə Pakistanın Mari Energies, Fatima, OGDCL, PPL, Prime və GHPL şirkətləri arasında bağlanıb.

AzerVoice xəbər verir ki, Bayraktar qeyd edib ki, Türkiyə 2026-cı ildən başlayaraq sahələrdə sismik və qazma işlərinə başlayacaq. Dəniz sahələrindən birində Türkiyə operator olaraq fəaliyyət göstərəcək. Nazir işlərdən böyük ümidli olduqlarını vurğulayıb.

Pakistanın mədən potensialını önəmli hesab edən Bayraktar Türkiyə dövlət şirkətləri MTAIC və Eti Maden vasitəsilə ölkədə mədən sahəsində fəaliyyətin genişlənəcəyini açıqlayıb.

Prezident Rəcəb Tayyib Ərdoğanın Pakistan səfəri iki ölkə arasındakı əlaqələri gücləndirib. Bayraktar bildirib ki, Türkiyə və Pakistan arasında ticarət həcminin 5 milyard dollara çatdırılması hədəflənib və enerji ilə mədən sahəsində əməkdaşlıq bu hədəfə çatmaq üçün vacibdir.