BAKI, AzerVoice
HƏMAS, Qəzza zolağında saxlanılan 10 girovun azad olunması ilə bağlı əvvəllər qəbul etdiyi təklifi geri çəkə biləcəyi ilə bağlı xəbərdarlıq edib.
AzerVoice xəbər verir ki, bu barədə təşkilatın hərbi qolu olan “İzzəddin əl-Qəssam Briqadaları”nın rəsmi nümayəndəsi Əbu Ubeydə bəyanat verib.
“Əgər qarşı tərəf inadkarlıq göstərməyə davam etsə və ya aparılan məsləhətləşmələri pozsa, biz Qəzzaya dair razılaşmalarla, o cümlədən 10 girovun azad olunması ilə bağlı təklifə razılıq verməyə bilərik” - deyə, Əbu Ubeydə bildirib.
Xatırladaq ki, iyulun 9-da HƏMAS "Telegram" kanalında yaydığı bəyanatda Qəzza zolağında saxlanılan 10 israilli girovun azad edilməsinə razılıq vermişdi.
“HƏMAS danışıqların uğurla nəticələnməsini istəyir və bu səbəbdən 10 girovun azad olunmasına razılıq verib. Lakin bir sıra əsas məsələlərlə bağlı məsləhətləşmələr hələ də davam edir. Bu məsələlərə Qəzzaya humanitar yardımın buraxılması, İsrail ordusunun bölgədən çıxarılması və daimi atəşkəs üçün real təminatların verilməsi daxildir” – deyə, bəyanatda qeyd olunub.
