BAKI, AzerVoice
İsrail ordusu bu gün Qəzza zolağının şimalında yerləşən bəzi bölgələrdəki sakinlərə yeni təxliyə əmrləri verib.
AzerVoice xəbər verir ki, bu barədə İsrail ordusunun sözçüsü Avixay Edri “X” sosial şəbəkəsində yazıb.
“Beyt Lahiya bölgəsindəki, həmçinin Əbdürrəhman və Kərama məhəllələrində – 975, 979, 980, 982 və 983 bloklarında, o cümlədən çadırlarda və müvəqqəti sığınacaqlarda yaşayan sakinlər dərhal bu əraziləri tərk etməlidirlər” - deyə, ordu sözçüsü bildirib.
Edri, fələstinliləri dərhal Qəzzanın cənub-qərbində yerləşən əl-Mavasi bölgəsinə yönəlməyə çağırıb.
Qeyd edək ki, İsrail ordusu daha əvvəl, cümə axşamı günü də Qəzza zolağının şimalında yerləşən Cəbəliyyə bölgəsi üçün təxliyə əmri vermiş və sakinlərdən cənuba doğru hərəkət etmələrini tələb etmişdi.
Bundan əlavə, İsrail ordusu gün ərzində Qəzzanın şimalından atıldığı bildirilən bir raketi havada məhv etdiyini açıqlayıb.