BAKI, AzerVoice
İsrail ordusu Qəzza şəhəri və Cəbəliyyənin şimal bölgəsində yaşayan fələstinlilərə dərhal evlərini tərk etmələri ilə bağlı təcili xəbərdarlıq yayıb.
AzerVoice-un məlumatına görə, bu barədə İsrail ordusunun sözçüsü Avixay Edri "X" sosial şəbəkəsində paylaşım edib.
“Təcili xəbərdarlıq – hələ də Qəzza şəhərində və Cəbəliyyənin aşağıdakı məhəllələrində qalan hər kəs: Şərqi Zeytun, Qədim Şəhər, Türkmən, Cədidə, Təffah, Dərəc, Səbərə, Cəbəliyyə əl-Bələd, Cəbəliyyə Nəzlə, Cəbəliyyə Düşərgəsi, Ravda, Nəhda, Zühur, Nur, Səlam və Tel əz-Zətar, təhlükəsizliyiniz üçün dərhal cənuba, Mavasi bölgəsinə doğru hərəkət edin" - deyə, paylaşımda bildirilib.
Ordu sözçüsü əlavə edib ki, İsrail ordusu bölgədə "artmaqda olan güclə düşməni və terror təşkilatlarını məhv etmək üçün" əməliyyatlar həyata keçirir və döyüşlərin artıq şəhərin mərkəzinə doğru qərb istiqamətində genişləndiyini qeyd edib.
