7
BAKI, AzerVoice
İordaniya hakimiyyət orqanları bu gün səhər saatlarında İordaniya Humanitar Təşkilatının Qəzza zolağına 50 yük maşını ilə humanitar yardım göndərdiyini açıqlayıb.
AzerVoice xəbər verir ki, bu barədə İordaniyanın rəsmi xəbər agentliyi "Petra" məlumat yayıb.
Agentliyin məlumatına görə, yük maşınları əsasən un olmaqla, ərzaq məhsulları daşıyır.
Sosial şəbəkələrdə paylaşılan görüntülərdə yük maşınlarının İordaniyadan İsrail ərazisi vasitəsilə Qəzzaya doğru irəlilədiyi görünür. İsrailin "The Times of Israel" nəşri də bu məlumatı dəqiqləşdirərək qeyd edib ki, karvanın Qəzza zolağına daxil olub-olmadığı hələlik təsdiqlənməyib.
