BAKI, AzerVoice
İsrail ordusu bu gün Qəzza zolağının mərkəzində yerləşən Nuseyrat qaçqın düşərgəsində bir evi bombalayıb.
AzerVoice xəbər verir ki, bu barədə "Əl-Cəzirə" telekanalı məlumat yayıb.
Məlumata görə, hücum nəticəsində aralarında uşaqların da olduğu azı 10 fələstinli həlak olub.
Qeyd edək ki, İsrail ordusu Qəzza zolağının digər bölgələrinə də zərbələr endirməyə davam edir. Dünən baş verən hücumlarda azı 110 nəfər həlak olmuşdu. Onların arasında Rəfəh şəhərindəki Qəzza Humanitar Fondu (GHF) obyektinin qarşısında ərzaq növbəsində gözləyən 34 nəfər də var idi.
Naser xəstəxanasının verdiyi məlumata görə, İsrail qüvvələri cənubdakı Əl-Məvasi bölgəsində yerləşdirilmiş məcburi köçkünlərin çadırlarını da bombalayıb. Bu hücum nəticəsində azı üç fələstinli həyatını itirib, bir neçə nəfər isə yaralanıb.
