BAKI, AzerVoice
ABŞ həftənin sonunadək Qəzza zolağında atəşkəslə bağlı razılaşma əldə olunacağına ümid edir.
AzerVoice xəbər verir ki. bu barədə ABŞ prezidentinin xüsusi nümayəndəsi Stiven Uitkoff bildirib.
"Bu razılaşma qarşılığında Qəzza zolağında saxlanılan girovların azad olunması və nəticə etibarilə uzunmüddətli sülhün bərqərar olması planlaşdırılır" - deyə, o qeyd edib.
“Hazırda biz dolayı danışıqlar prosesindəyik. Ümid edirik ki, həftənin sonuna qədər 60 günlük atəşkəs, 10 girovun azad olunması və həlak olmuş doqquz girovun cəsədinin təhvil verilməsi ilə nəticələnəcək bir razılaşmamız olacaq. İnanırıq ki, bu, Qəzzada uzunmüddətli sülhə yol açacaq” - deyə, o əlavə edib.
Qeyd edək ki, bu il yanvar ayında elan edilmiş atəşkəs rejimindən sonra, mart ayında İsrail Müdafiə Ordusu Qəzza zolağında hərbi əməliyyatlarını bərpa etmişdi. Qətər, Misir və ABŞ-ın vasitəçiliyi ilə bir neçə danışıqlar raundu keçirilsə də, tərəflər yeni razılaşmanın şərtləri üzrə ortaq mövqeyə gələ bilməmişdi.
