Haaqa Məhkəməsi Taliban liderləri barədə həbs qərarı verib

BAKI, AzerVoice

Haaqa Beynəlxalq Cinayət Məhkəməsi (ICC), Əfqanıstandakı Taliban rejiminin iki yüksək vəzifəli lideri – ali dini rəhbər Hibatullah Axundzadə və Talibanın ədliyyə məsələləri üzrə məsul şəxsi Əbdülhəkim Hakanini həbs etmək üçün order verib.

AzerVoice xəbər verir ki, bu barədə "Reuters" agentliyi məlumat yayıb.

Məhkəmənin qərarına əsasən, hər iki şəxs qadınlara və qız uşaqlarına qarşı sistemli şəkildə təqib və hüquqların pozulmasında ittiham olunur.

Məhkəmənin prokurorluğu bildirib ki, bu ittihamlar qadınların təhsil, ictimai həyat və azadlıq hüquqlarından məhrum edilməsinə, habelə Talibanın repressiv hüquqi sistemində zorakı məcburiyyətlərə əsaslanır.