BAKI, AzerVoice

İsrail rəsmiləri Trampın İrana qarşı yeni hücumlara “yaşıl işıq” yandıra biləcəyini iddia edirlər.

AzerVoice xəbər verir ki, İsrail rəsmiləri ABŞ prezidenti Donald Trampın Vaşinqtonda baş nazir Benyamin Netanyahu ilə keçirdiyi görüşdə Tehrana qarşı yeni hücumlara dəstək verə biləcəyini irəli sürüblər.

“Axios” saytının məlumatına görə, adları açıqlanmayan iki yüksək rütbəli İsrail rəsmisi Tramp-Netanyahu görüşündə əsas gündəmin İran olduğunu bildirib. İsrailin Strateji İşlər naziri Ron Dermerin ABŞ səfərindən sonra verdiyi qeyri-rəsmi mesajlarda, Tramp administrasiyasının müəyyən şərtlər daxilində İsrailin İrana yönəlik yeni hücumlarını dəstəkləyəcəyi təəssüratı formalaşıb.

İddialara görə, İsrail, ABŞ-ın Natanz, Fordo və İsfahandakı üç əsas nüvə obyektində zənginləşdirilmiş uranı çıxarması və ya bu obyektlərin yenidən qurulmasına yönəlik hərəkətləri halında yeni hücumlara hazırlaşır.

İsrailin müdafiə naziri Yisrael Katz bu barədə verdiyi açıqlamada Trampın hücumlar barədə əvvəlcədən məlumatlandırıldığını və qismən təsdiq verdiyini deyib. Katz həmçinin İsrailin Tehrandakı raket potensialını yaxından izlədiyini bildirib.

Xatırladaq ki, İsrailin iyunun 13-də İranda həyata keçirdiyi hücumlar zamanı yüksək rütbəli hərbçilər və 9 nüvə alimi də daxil olmaqla 1100 nəfərin həlak olduğu, onlardan 126-sının qadın, 41-nin isə uşaq olduğu açıqlanıb. Cavab zərbəsi kimi İran İsrailə və ABŞ-ın Qətərdəki Əl-Udeyd aviabazasına hücum edib.

ABŞ prezidenti Tramp isə 24 iyun tarixində İran və İsrail arasında atəşkəs elan edib.