BAKI, AzerVoice
İsrail Prezidenti İsxak Hersoq, Qəzza zolağında saxlanılan israilli girovların azad olunmasına dair razılaşmaların əldə ediləcəyinə ümid etdiyini bildirib və bu məqsədə çatmaq üçün çətin qərarların qəbul edilə biləcəyini də istisna etməyib.
AzerVoice xəbər verir ki, bu haqqda "Jerusalem Post" qəzeti məlumat yayıb.
“Baş nazirin (Benyamin Netanyahunun - red.) Vaşinqtona səfəri girov götürülmüş bacı-qardaşlarımızın azad edilməsi istiqamətində irəliləyiş əldə etmək üçün çox vacib bir missiyadır. Bu tapşırığın yerinə yetirilməsi bizim ali mənəvi borcumuzdur” - deyə, Hersoq bildirib.
İsrail Prezidenti vurğulayıb ki, bu səyləri tam şəkildə dəstəkləyir, hətta çətin və ağrılı qərarlar verilməli olsa belə.
Qeyd edək ki, İsrail baş naziri Benyamin Netanyahunun ABŞ prezidenti Donald Trampla danışıqları bazar ertəsinə planlaşdırılıb.