BAKI, AzerVoice
ABŞ prezidentinin xüsusi nümayəndəsi Stiven Uitkoff İranın nüvə proqramı ilə bağlı razılaşma məsələsində Tehranla müzakirələri davam etdirir, lakin ABŞ prezidenti Donald Tramp İran rəsmiləri ilə birbaşa əlaqə saxlamayıb.
AzerVoice xəbər verir ki, bu barədə Ağ Evin mətbuat katibi Kerolayn Livitt jurnalistlər üçün keçirilən brifinq zamanı məlumat verib.
“Xüsusi nümayəndəmiz Stiven Uitkoff iranlılarla həm birbaşa, həm də vasitəçilər vasitəsilə əlaqə saxlayır. Bu dialoq prosesi davam edir. Prezident Donald Tramp isə İranla danışmayıb” – deyə, Livitt bildirib.
O, jurnalistlərin bu həftə ABŞ ilə İran arasında birbaşa danışıqların keçirilməsi ehtimalı ilə bağlı sualına isə cavab verməyib.