BAKI, AzerVoice
İranın şimalında partlayış səsləri eşidilib.
AzerVoice xəbər verir ki, İranın
şimalındakı Mazandaran vilayətinin Babul və Babulsar şəhərlərində
partlayış səsləri eşidilib.
Rəsmi mənbələr hücum nəticəsində dəymiş ziyan və hədəf alınan
obyektlərlə bağlı hələlik məlumat verməyib.
Yarı rəsmi Mehr Xəbər Agentliyi xəbər verir ki, Xəzər sahilində yerləşən bölgədə hava hücumundan müdafiə sistemləri aktivləşdirilib. Sosial şəbəkələrdə paylaşılan məlumatlara görə, partlayış səsləri paytaxt Tehranın şimalında da eşidilib. Lakin bu iddialar hələlik rəsmi şəkildə təsdiqlənməyib.
İsrail tərəfi İrana məhdud və simvolik bir hücum həyata keçirdiyini təsdiqləyib.
Qeyd edək ki, ABŞ prezidenti Donald Tramp və İsrail rəsmiləri arasında razılaşma nəticəsində gecə saatlarında atəşkəsin əldə edildiyi bildirilsə də, İsrail atəşkəsdən sonra İrandan raket atıldığını iddia edərək cavab hücumu həyata keçirib. İran Baş Qərargahı isə raketlərin ölkə ərazisindən atıldığını təkzib edib.
