BAKI, AzerVoice
İran Silahlı Qüvvələrinin Baş Qərargahı, atəşkəs rejimi qüvvəyə mindikdən sonra İsrailə raket hücumu təşkil edildiyi ilə bağlı iddiaları rədd edib.
AzerVoice xəbər verir ki, bu barədə İran Silahlı Qüvvələrinin Baş Qərargahı bəyənat yayıb.
“Silahlı Qüvvələrin Baş Qərargahı, son saatlarda İran tərəfindən işğal olunmuş ərazilərə raket hücumu həyata keçirildiyi barədə xəbərləri təkzib edir” – deyə bəyanatda bildirilib.
Qeyd edək ki, bu açıqlama ABŞ Prezidenti Donald Trampın vasitəçiliyi ilə elan olunan atəşkəsdən dərhal sonra İsrail ordusunun İranın raket hücumu ilə üzləşdiyini iddia etməsindən sonra verilib.
Eyni zamanda, Tehran vilayətinin qubernatoru Məhəmməd Sadəq Motamədyan bildirib ki, 24 iyun səhəri İsrail İran paytaxtının yaşayış bölgələrinə hava hücumları həyata keçirib.
Bununla da İran tərəfi atəşkəsi pozan tərəfin özü deyil, İsrail olduğunu ortaya qoymağa çalışır. Hazırda tərəflər bir-birini təxribatda ittiham etməkdə davam edir.
