BAKI, AzerVoice
Yaponiya ilə ABŞ arasında diplomatik gərginlik - İyul görüşü ləğv edilib.
AzerVoicexəbər verir ki, ABŞ
administrasiyasının müdafiə xərclərinin artırılması ilə bağlı
Yaponiyaya yönəlik təzyiqlərindən sonra Tokio iyulun əvvəlində
planlaşdırılan yüksək səviyyəli görüşü ləğv edib.
İddialara görə, ABŞ tərəfindən dövlət katibi Marko Rubio və müdafiə
naziri Pit Heqsetin iştirakı nəzərdə tutulan toplantının baş
tutmayacağı məlum olub.
Vaşinqtonun Tokiodan müdafiə xərclərini ÜDM-in 3,5 faizinə qədər artırmağı tələb etməsi, iki müttəfiq ölkə arasında gərginliyə səbəb olub. Yaponiya tərəfinin bu tələbi qəbuledilməz hesab etdiyi və cavab olaraq görüşü ləğv etdiyi bildirilir.
Qeyd edək ki, məsələ ilə bağlı nə ABŞ, nə də Yaponiya hökuməti hələlik rəsmi açıqlama yaymayıb. Lakin müşahidəçilər bu addımı Vaşinqton-Tokio münasibətlərində gərginliyin yeni mərhələsi kimi dəyərləndirir.
