BAKI,
AzerVoice
Rusiya prezidenti Vladimir Putin və ABŞ prezidenti Donald Tramp
arasında baş tutan və dünyanın diqqətlə izlədiyi telefon danışığı
gözləntiləri doğrultmayıb.
AzerVoice xəbər verir ki , Tramp
görüşdən sonra "heç bir irəliləyiş əldə olunmadığını" etiraf
edib.
Kremlin yaydığı açıqlamaya əsasən, Putin Ukrayna ilə bağlı
hədəflərindən əl çəkməyəcəyini bildirib.
Telefon danışığı bir saat davam etsə də, nəticə verməyib. Tramp jurnalistlərə açıqlamasında "Görüş uzun və əhatəli oldu. Lakin bu gün onunla heç bir irəliləyiş əldə edə bilmədim" - deyib. ABŞ-ın Ukraynaya silah yardımlarını davam etdirdiyini bildirən Tramp, eyni zamanda ölkəsinin təhlükəsizliyi üçün daxili silahlanma prioritetinin də vacib olduğunu qeyd edib.
Kremlin xarici siyasət müşaviri Yuri Uşakov isə bildirib ki, Putin ABŞ prezidentinə Ukrayna böhranının köklü səbəblərinin aradan qaldırılmasının hələ də Rusiya üçün əsas məqsəd olduğunu çatdırıb. Putin həmçinin Rusiya və Ukrayna arasında İstanbulda aparılmış danışıqlara istinad edib və Moskvanın bu formatda davam etməyə hazır olduğunu bildirib.
Britaniya mediası isə görüşü "Tramp üçün diplomatik uğursuzluq" kimi qiymətləndirib. “Express” qəzeti yazıb ki, Putin Trampın mövqeyini sərt şəkildə rədd edib və ABŞ prezidentini faktiki olaraq danışıqlar masasından uzaqlaşdırıb.
Qeyd edək ki, görüş, ABŞ Müdafiə Nazirliyinin Ukraynaya bəzi hərbi yardımları dondurması qərarının ardından baş tutub. Bu isə Rusiyanın mövqeyini daha da sərtləşdirmiş kimi görünür.
Kreml həmçinin Trampı 4 İyul – ABŞ-ın Müstəqillik Günü münasibətilə təbrik edib və iki ölkənin tarixi müttəfiqliyinə diqqət çəkib. Putinin, “Rusiya Amerikanın dövlətçiliyində mühüm rol oynayıb” sözləri isə diqqət çəkən mesajlardan biri olub.
