BAKI, AzerVoice

Ağ Ev rəhbərinin İsrailin baş naziri Benjamin Netanyahu ilə növbəti həftə görüşmək üçün hazırlaşdığı bir vaxtda, ABŞ Prezidenti Donald Tramp, Qəzza əhalisinin təhlükəsiz bir şəraitdə yaşamasını istədyini bildirib.

Trump, fevral ayında ABŞ-ın Qəzzaya nəzarət etməsi barədə verdiyi bəyanatı xatırladıb və bildirib ki, "Qəzzada yaşayan insanların təhlükəsiz olmasını ən vacib məsələdir Qəzza sakinləri cəhənnəmdən keçiblər," deyə vurğulayıb.

İranla bağlı isə Tramp, Tehranla dialoq qurmaq istədiklərini bildirib və "İran danışmaq istəyir, və məncə, onlar mənimlə danışmaq istəyirlər. İndi bunu etmə vaxtıdır," dedi. O, İranla münasibətlərin inkişafını istədiklərini qeyd edərək, ABŞ-ın Tehranla heç bir zərər vermək niyyətində olmadığını əlavə edib.

Ukrayna məsələsində isə Tramp, Rusiya Prezidenti Vladimir Putin ilə atəşkəs əldə etmək üçün heç bir irəliləyiş əldə etmədiklərini açıqlayıb və müharibənin davam etməsindən narazılığını bildirib.

Ticari məsələlərə gəldikdə isə, Tramp ABŞ-a idxal edilən mallara tətbiq ediləcək yeni gömrük vergilərinin təyin olunması məqsədilə ölkələrə məktublar göndərəcəyini açıqlayıb. ABŞ Prezidenti, bu addımın ticarət müqavilələrinin genişlənməsinə, o cümlədən Vyetnamla razılaşmaya əlavə olaraq başqa iki müqavilə imzalanacağına işarə edib.

Bundan əlavə, Tramp, Konqresin vergi və xərclər üzrə qanun layihəsini qəbul etməsini alqışlayaraq, bu qanunun ABŞ-ı "kosmik raketə çevirəcəyini" bildirib.