BAKI, AzerVoice
Rusiya ABŞ-ın İrana qarşı nüvə silahından istifadə etməsini spekulyasiya adlandırıb.
AzerVoice xəbər verir ki, bu barədə Rusiya Prezidenti Vladimir Putinin mətbuat katibi Dmitri Peskov danışıb.
"Bu barədə çox sayda spekulyasiyalar səslənir və əlbəttə ki, bu cür bir inkişaf fəlakət olardı. Spekulyasiyaların sayı çoxdur və onların hamısını şərh etmək sadəcə mümkün deyil" – deyə Kreml nümayəndəsi bildirib.
Xatırladaq ki, bir müddət əvvəl Fox News telekanalının jurnalisti Ağ Evin, İranın Fordodakı yeraltı uran zənginləşdirmə obyektinə qarşı taktiki nüvə silahı istifadə ehtimalını istisna etmədiyini açıqlayıb.
Bundan əvvəl, 14 iyun tarixində "The Times of Israel" qəzeti adları açıqlanmayan mənbələrə istinadən yazıb ki, ABŞ prezidenti Donald Tramp İsrailin Baş naziri Benyamin Netanyahu ilə söhbətində Amerikanın Fordodakı nüvə obyektini vurmaq imkanına malik olduğunu bildirib.