BAKI,AzerVoice
13 iyunda İsrailin İrana aviazərbələr endirməsi nəticəsində ölən daha 3 nüvə aliminin adı açıqlanıb.
Bu barədə AzerVoice İran KİV-ə istinadən məlumat verib.
Məlumata görə, İranın nüvə alimləri Əli Bokai Kərimi, Mənsur Əsgəri və Səid Borci İsrailin hücumu nəticəsində ölüblər.
Qeyd edək ki, ötən gün də İranda 6 nüvə aliminin öldüyü açıqlanıb. Beləliklə İsrailin İrana hücumunda ölən nüvə alimlərinin sayı 9 nəfərə yüksəlib.
Qeyd edək ki, 13 iyun səhər saatlarında İsrail İrana hərbi hava zərbələr endirib. Zərbələr nəticəsində çoxlu sayda yüksək səviyyəli hərbçi, o cümlədən İran Silahlı Qüvvələri Baş Qərargah rəisi Məhəmməd Baqeri, İranİslam İnqilabı Keşikçilər Korpusu (SEPAH) baş komandanı Hüseyn Salami, Xatəm Əl-Ənbiya Qərargahının komandanı Qulaməli Rəşid, 6 nüvə alimi və yüksək vəzifəli şəxslər ölüb. İran BMT Təhlükəsizlik Şurasınınhadisə ilə əlaqədar fövqəladə iclas keçirməsini istəyib.
Əlavə edək ki, ötən 13 iyun axşam saatlarında İran İsrailə qarşı “Doğru Vəd 3” hərbi hava əməliyyatının başladığını və İsraildə hərbi obyektlərin vurulduğunu bildirib.
