BAKI, AzerVoice
İlon Mask, respublikaçıların təklif etdiyi büdcə layihəsinə qarşı çıxan Demokrat Partiyasının namizədlərini maliyyələşdirmək qərarına gəlsə, ciddi nəticələrlə üzləşəcək.
AzerVoice xəbər verir ki, bu barədə ABŞ Prezidenti Donald Tramp NBC News kanalına verdiyi müsahibədə bildirib.
"Əgər o bunu edərsə, buna görə cavab verməli olacaq. O çox ciddi nəticələrlə üzləşəcək" - deyə Trump vurğulayıb. Lakin o, hansı tədbirlərin görüləcəyini açıqlamayıb.
Daha əvvəl Tramp və Mask arasında baş verən açıq qarşıdurma qarşılıqlı ittihamlar və təhdidlərlə "X" və "Truth Social" platformalarında özünü göstərmişdi. Tramp qeyd edib ki, Maskla münasibətləri bərpa etməyi planlaşdırmır.
ABŞ prezidenti həmçinin, onların əlaqələrinin bitdiyini düşündüyünü bildirib.
"Çox işim var. Onunla danışmağa niyyətim yoxdur" - deyə, Tramp qeyd edib.
