BAKI, AzerVoice
İspaniya hökuməti Qəzza zolağında döyüşlərin dayandırılması məqsədilə İsrailə silah tədarükünə embarqo tətbiq olunmasını dəstəkləyib.
AzerVoice xəbər verir ki, bu barədə İspaniyanın xarici işlər naziri Xose Manuel Albares bildirib.
"İsrailin Qəzzada apardığı bu ədalətsiz, qəddar və qeyri-insani müharibə dayandırılmalıdır. Əgər müharibə davam edərsə, Avropa İttifaqı (Aİ) ilə İsrail arasında imzalanmış və insan hüquqlarına hörmətə əsaslanan assosiasiya sazişi dərhal dayandırılmalıdır" - deyə, Nazir qeyd edib.
"Biz mənasız, heç bir hərbi məqsədi olmayan və yalnız Qəzzanı böyük bir qəbiristanlığa çevirmək istəyindən qaynaqlanan bir müharibənin şahidi oluruq" - deyə, o əlavə edib.
Jurnalistlərin İsrailin baş naziri Binyamin Netanyahuya qarşı sanksiya tətbiqi ilə bağlı sualına cavab olaraq o qeyd edib ki, fərdi sanksiyalar məsələsində heç bir seçimi istisna etmirlər.
"İspaniya, iki dövlətli həllə inanmayan və bu həllin reallaşmasını əngəlləyən bütün şəxslərin sanksiya siyahısına daxil edilməsini istəyir", - Albares qeyd edib.
