BAKI, AzerVoice
Rumıniyanın yeni seçilmiş prezidenti Nikuşor Dan, Polşada prezidentliyə namizəd Rafal Tşaskovskiyə dəstək yürüşündə iştirak edib.
AzerVoice xəbər verir ki, yürüş Varşavanın mərkəzində keçirilib.
“Bizimlə birlikdə xüsusi bir qonaq var – Rumıniyanın yeni seçilmiş prezidenti Nikuşor Dan. O, necə qalib gəlmək lazım olduğunu göstərdi” - deyə, Tşaskovski bildirib.
Nikuşor Dan isə vurğulayıb ki, “bir həftə əvvəl Rumıniya qalib gəldi, gələn həftə Polşa qalib gələcək.”
Varşavada minlərlə insanın qatıldığı yürüşlər, Polşada prezident seçkilərinin ikinci turuna yüksəlmiş namizədlərə – Rafal Tşaskovski və müxalif “Hüquq və Ədalət” partiyasını təmsil edən Karol Navrotskiyə dəstək məqsədilə keçirilir. Seçkilərin ikinci turu iyunun 1-də baş tutacaq.
Qeyd edək ki, mayın 18-də Rumıniyada keçirilən prezident seçkilərində müstəqil namizəd Nikuşor Dan qalib gəlib. 100 faiz bülletenlərin işlənməsindən sonra Dan 53,60 faiz səs toplayaraq prezident seçilib.
