BAKI, AzerVoice, Səməd Əyyubov
ABŞ prezidenti Donald Tramp bu həftənin əvvəlində Polşanın hava məkanına daxil olmuş pilotsuz uçuş aparatları (PUA) ilə bağlı insidentlərdə heç kimi müdafiə etmək niyyətində olmadığını bildirib.
AzerVoice xəbər verir ki, o, bu barədə “Fox News”-a açıqlamasında danışıb.
“Mən heç kimi müdafiə etməyəcəyəm. Onlar (PUA-lar – red.) vurulub, amma ümumiyyətlə Polşaya yaxınlaşmamalı idilər” - deyə, Tramp qeyd edib.
Bundan əvvəl Polşa rəsmiləri sentyabrın 10-na keçən gecə PUA-ların dəfələrlə ölkənin hava məkanını pozduğunu açıqlamışdılar. Baş nazir Donald Tusk isə həmin PUA-ların Rusiya mənşəli olduğunu və bunun təxribat xarakteri daşıdığını bəyan etmişdi.