BAKI, AzerVoice
Pakistanın Pəncab əyalətində şiddətli qasırğa baş verib.
AzerVoice xəbər verir ki, bu barədə Pəncab Fəlakət İdarəetmə İdarəsi (PDMA) tərəfindən məlumat verilib.
Məlumata əsasən, qasırğa nəticəsində köhnə və baxımsız binaların çökməsi nəticəsində 10 nəfər həyatını itirib, 45 nəfər isə yaralanıb. Bölgədə fövqəladə vəziyyət elan edilib.
Ölüm hallarının Celum, Lahor, Ravalpindi, Şeyxupura, Nankana Sahib, Sialkot və Mianvali şəhərlərində qeydə alındığı bildirilib. Əyalətin mərkəzi Lahorda isə bir çox ərazidə ağaclar aşıb, evlərə, dükanlara və nəqliyyat vasitələrinə ciddi ziyan dəyib. Həyatını itirənlərin ailələrinə maddi yardım ediləcəyi bildirilib.
Kəskin hava şəraiti hava nəqliyyatına da təsir edib. Karaçidən Lahora uçan FL-842 reysli xüsusi bir hava yolu şirkətinə məxsus təyyarə eniş zamanı fırtınaya düşüb. Eniş edə bilməyən təyyarə təkrar havaya qalxaraq təhlükəsiz şəkildə Karaçiyə geri dönüb. Təyyarədəki sərnişinlər eniş zamanı böyük panikaya düşüblər.
