BAKI,
AzerVoice
Pentaqondan ABŞ-ın Cənubi Koreyadakı qoşunlarını geri çəkməsı
haqqında rəsmi məlumat verib.
AzerVoicee xəbər verir ki, ABŞ Müdafiə Nazirliyi Cənubi Koreyadakı Amerika əsgərlərinin geri çəkilməsi ilə bağlı iddiaları inkar edib.
Wall Street Journal qəzetinin ABŞ-ın Cənubi Koreyada yerləşdirilmiş minlərlə əsgəri geri çəkməyi nəzərdən keçirdiyinə dair xəbəri Pentaqon tərəfindən rədd olunub. Nazirliyin sözçüsü Şon Parnell X sosial media platformasında yayımladığı bəyanatda bu məlumatların həqiqətə uyğun olmadığını bildirib.
“Müdafiə Nazirliyinin Cənubi Koreyadakı ABŞ hərbi mövcudiyyətini azaltmaq niyyəti yoxdur. ABŞ-Cənubi Koreya ittifaqı möhkəmdir və tərəfdaşlığımız təhlükəsizlik sahəsində davam edir,” – deyə Parnell vurğulayıb.
Cənubi Koreya Müdafiə Nazirliyi də Vaşinqtonla qoşunların çıxarılması ilə bağlı heç bir danışıqların aparılmadığını açıqlayıb.
Xatırladaq ki, WSJ-in xəbərində Tramp administrasiyasının 4500 əsgərin bölgədən çıxarılmasını və onların Hind-Sakit okean regionundakı digər strateji nöqtələrə, xüsusilə də Quam adasına göndərilməsini nəzərdən keçirdiyi iddia olunmuşdu.
ABŞ və Cənubi Koreya arasında 2024-cü ildən etibarən qüvvəyə minən beşillik müdafiə xərclərinin bölüşdürülməsi planı mövcuddur. Donald Tramp isə ABŞ əsgərlərinin bölgədəki xərclərinin daha böyük hissəsinin Seul tərəfindən qarşılanmasını dəstəkləmiş və ticarət danışıqları zamanı bu məsələni gündəmə gətirmişdi.
Qeyd edək ki, hazırda Cənubi Koreyada təxminən 28.500 ABŞ əsgəri xidmət edir və bu hərbi mövcudluq bölgədəki sabitlik üçün vacib sayılır.
