BAKI, AzerVoice
Netanyahu Qəzzaya qarşı hərbi əməliyyatların daha da gücləndiriləcəyini elan edib.
AzerVoice xəbər verir ki, İsrailin baş
naziri Benyamin Netanyahu ordunun Qəzzaya qarşı hücumlarının yaxın
günlərdə “tam gücü ilə” davam edəcəyini bəyan edib.
O bildirib ki, müharibənin dayanacağı mərhələyə çatmadıqları üçün
əməliyyatların intensivliyi artırılacaq.
İsrail Baş nazirliyindən yayılan açıqlamada Netanyahu, “Qəzzada müharibəni dayandıra biləcəyimiz bir nöqtədə deyilik” sözlərini işlədərək, İsrail Müdafiə Qüvvələrinin Qəzza sərhədində tam yerləşdirildiyini və əməliyyatların geniş miqyas alacağını vurğulayıb.
Eyni zamanda Netanyahu, Qəzza sakinlərinin qəbul ediləcəyi alternativ ölkələr axtarışı üzərində də iş aparıldığını bildirib.
Qeyd edək ki, son həftələrdə bölgədə gərginlik daha da artıb və beynəlxalq ictimaiyyət İsrailin Qəzzaya qarşı hərbi əməliyyatlarını dayandırması üçün çağırışlarını davam etdirir.