Tramp Rusiya-Ukrayna danışıqları çərçivəsində İstanbula səfər edə bilər

BAKI, AzerVoice

ABŞ Prezidenti Donald Tramp, Rusiya və Ukrayna nümayəndələrinin İstanbulda keçirilməsi planlaşdırılan görüşünə şəxsən qatılmağı nəzərdən keçirir.

AzerVoice xəbər verir ki, bu barədə o Ağ Evdə jurnalistlərə açıqlama verərkən deyib.

“Mən bu görüşün baş tutmasında israr etmişəm və bu görüş baş tutacaq. Düşünürəm ki, cümə axşamı Türkiyədə keçiriləcək bu görüşün nəticələri müsbət olacaq. Hər iki liderin orada iştirak edəcəyi gözlənilir. Mən də orada iştirak etməyi düşünmüşəm. Cümə axşamı harada olacağımı bilmirəm – çox sayda görüşüm var, amma ora getməyi ciddi şəkildə nəzərdən keçirmişəm. Bu, mümkündür” - deyə, Tramp bildirib.

ABŞ Prezidenti qeyd edib ki, İstanbula səfər edə bilər.