BAKI, AzerVoice
Polşanın Baş naziri Donald Tusk, ölkənin paytaxtı Varşavadakı “Marywilska 44” adlı ticarət mərkəzində ötən il baş vermiş yanğının Rusiya kəşfiyyat orqanları tərəfindən təşkil olunmuş əməliyyat olduğunu iddia edib.
AzerVoice xəbər verir ki, bu barədə Tusk X sosial sosial şəbəkəsində etdiyi paylaşımda bildirib.
“Marywilska 44 adlı ticarət mərkəzində baş verən yanğının Rusiya kəşfiyyatı tərəfindən törədilmiş bir əməliyyat olduğuna əminik” – deyə, Tusk qeyd edib.
Baş nazir əlavə edib ki, hadisə ilə əlaqəsi olduğu düşünülən digər şəxslərin kimlikləri artıq müəyyən olunub və onların saxlanılması istiqamətində əməliyyatlar davam etdirilir.
Xatırladaq ki, ötən il mayın 12-də Varşavanın Bialoleka rayonunda yerləşən sözügedən alış-veriş mərkəzində böyük bir yanğın baş vermişdi. Yanğın çox qısa müddətdə yayılmış və obyektin demək olar ki, tamamına ziyan dəymişdi.
