BAKI, AzerVoice
İran–ABŞ danışıqlarının dördüncü raundu Omanda keçiriləcək.
AzerVoice xəbər verir ki, İran və ABŞ
arasında dolayı nüvə danışıqlarının dördüncü raundu mayın 11-də
Omanın paytaxtı Maskatda baş tutacaq.
Bu barədə İranın “Nour News” agentliyi adının açıqlanmasını
istəməyən rəsmi mənbəyə istinadla məlumat yayıb.
Belə ki, ndiyədək iki görüş Maskatda, biri isə İtaliyanın paytaxtı Romada keçirilib. Tərəflər əvvəlki raundlardan sonra yayımladıqları bəyanatlarda müzakirələrin konstruktiv və müsbət atmosferdə keçdiyini bildiriblər.
Xatırladaq ki, ABŞ-ın sabiq prezidenti Donald Tramp 2018-ci ildə ölkəsini İranla nüvə sazişindən birtərəfli qaydada çıxarmışdı. Bu ilin mart ayında isə o, İranın ali lideri Əli Xamneyiyə məktub göndərərək, birbaşa danışıqlara və mümkün təzyiqlərə dair çağırış etmişdi. İran həmin məktuba Oman vasitəsilə cavab verib.
Ardınca, Tehran və Vaşinqton arasında dolayı danışıqlar aprel ayında Omanda və Romada davam etdirilib. Mayın 3-də Romada keçirilməsi planlaşdırılan dördüncü raund isə “logistik səbəblərə görə” təxirə salınıb. Bu barədə Omanın xarici işlər naziri Bədr bin Həməd əl-Busaidi sosial media hesabında məlumat verib.
