BAKI, AzerVoice
İranda liman partlayışına səbəb – Forkliftdən(çəngəlli yükləyici) çıxan qığılcımlar və təhlükəsizlik səhlənkarlığı olub.
AzerVoice xəbər verir ki, aprelin
26-da İranın Bəndər-Abbas şəhərindəki Şəhid Rəcai limanında baş
verən partlayışın səbəbi məlum olub.
İran Qırmızı Aypara Cəmiyyətinin rəhbəri Pir Hüseyn Kolivend
hadisəyə diqqətsizlik və təhlükəsizlik qaydalarına əməl
olunmamasının yol açdığını bildirib.
Kolivendin sözlərinə görə, limanda konteynerlərin qeyri-standart şəkildə yerləşdirilməsi, qida məhsulları ilə kimyəvi maddələrin yan-yana saxlanması faciəyə səbəb olub. Hadisə zamanı forkliftdən çıxan qığılcımın yanğına, ardınca isə partlayışa səbəb olduğu müəyyən edilib.
O həmçinin qeyd edib ki, ərazidə yanğınsöndürmə texnikasının olmaması yanğının miqyasını daha da artırıb və nəticədə ciddi ziyan meydana gəlib.
Qeyd edək ki, Şəhid Rəcai limanı İranın ən böyük ticarət limanlarından biri hesab olunur və bu kimi hadisələr logistika və təhlükəsizlik baxımından böyük narahatlıq doğurur.
