11
BAKI, AzerVoice
ABŞ Prezidenti Donald Tramp vitse-prezident Cey Di Vens və dövlət katibi Marko Rubionu özünün potensial varisləri kimi görür.
AzerVoice xəbər verir ki, bu barədə Tramp "NBC News" telekanalına verdiyi müsahibədə bildirib.
“Bu barədə danışmaq hələ tezdir, amma mənim bir vitse-prezidentim var. Cey Di Vens möhtəşəm iş görür. Marko Rubio isə əla birisidir.”
Bununla yanaşı Tramp qeyd edib ki, Respublikaçılar Partiyasında partiyaya liderlik edə və ölkənin ali vəzifəsinə iddia edə biləcək "çox sayda yaxşı insan” var.
Qeyd edək ki, Tramp daha əvvəl üçüncü dəfə prezidentliyə namizəd olmayacağını, 2028-ci ildə estafeti “idealda böyük bir respublikaçıya” ötürəcəyini bildirmişdi.
