BAKI, AzerVoice
Almanların təxminən üçdə ikisi “Almaniya üçün Alternativ” (AfD) partiyasını sağçı-ekstremist hesab edir, təxminən yarısı isə bu partiyanın qadağan olunmasının tərəfdarıdır.
AzerVoice xəbər verir ki, bununla bağlı Almaniyada INSA sosioloji institutu tərəfindən sorğu aparılıb.
Sorğunun nəticələrinə görə, almanların 48 faizi AfD-nin qadağan olunmasına tam və ya müəyyən dərəcədə dəstək verdiyini, 37 faizi isə buna qarşı olduğunu bildirib. 8 faizi cavab verməkdə çətinlik çəkib, 7 faizi isə məsələyə biganə olduqlarını bildirib.
Sorğu iştirakçılarının 39 faizi hesab edir ki, AfD-nin qadağan olunması Almaniya demokratiyasına zərər verə bilər, 35 faizi əks fikirdədir, 16 faizi bu addımın heç bir nəticə doğurmayacağını düşünür, 8 faizi isə bu suala cavab verməyib.
Eyni zamanda, sorğuda iştirak edənlərin 61 faizi AfD-ni sağçı-ekstremist partiya hesab edir, 31 faizi bu fikirdə deyil, 8 faizi isə bununla bağlı hər hansı bir mövqe bildirməyib.
