BAKI, AzerVoice
Pakistanın Vaşinqtondakı səfiri Rıdvan Səid Şeyx ABŞ Prezidenti Donald Trampa müraciət edərək, Kəşmir bölgəsindəki gərginliyin azaldılmasında vasitəçi rolunu üzərinə götürməsini istəyib.
AzerVoice xəbər verir ki, bu haqda Şeyx "Newsweek" jurnalına verdiyi müsahibədə bildirib.
Şeyx, Kəşmiri nüvə baxımından dünyanın ən təhlükəli bölgəsi adlandıraraq bildirib ki, Pakistan Hindistanla dinc əlaqələr qurmaq arzusundadır.
"Trampın qlobal sülhə töhfə vermək və münaqişələrin həllində rol oynamaq istəyirsə, Kəşmir onun bu məqsədinə uyğun ən mühüm məsələdir" - deyə, o vurğulayıb.
Eyni zamanda, Hindistanla gərginlik davam etdiyi bir məqamda Pakistan Silahlı Qüvvələri genişmiqyaslı hərbi təlimlərə başlayıb. Ordunun İctimai Əlaqələr Xidməti (ISPR) təlimin məqsədinin döyüş hazırlığını, hərbi uyğunlaşmanı və yeni nəsil silahların tətbiqini yoxlamaq olduğunu bildirib.
Pakistan Ordusunun quru qoşunlar komandanı general Asim Munir
bildirib ki,
ordu hər cür fövqəladə vəziyyətə və ölkənin ərazi bütövlüyünü
müdafiə etməyə hazırdır.
Digər tərəfdən, Hindistanın Xarici İşlər Naziri Subrahmanyam Cayşankar ABŞ Dövlət Katibi Marko Rubiyo ilə telefon danışığı aparıb və Pahalgam terror hücumunun günahkarlarının məsuliyyətə cəlb olunmasını tələb edib.
Kəşmir ətrafında gərginliklər barədə bilinməli olanlar