BAKI, AzerVoice

ABŞ Ticarət Palatası Donald Trampın administrasiyasına müraciət edərək, kiçik biznes üçün gömrük rüsumlarına istisnalar tətbiq olunmasını tələb edib.

AzerVoice xəbər veir ki, bu barədə CNBC telekanalı məlumat yayıb.

Məlumata görə, Ticarət Palatası ABŞ-da istehsal olunması mümkün olmayan məhsullar və kiçik biznes üçün idxal rüsumlarının ləğvini istəyir. Palatanın fikrincə, ABŞ yaxın aylarda digər ölkələrlə ticarət razılaşmaları imzalamağa müvəffəq olsa belə, həmin vaxta qədər kiçik biznesə düzəldilməsi mümkün olmayan zərər dəyə bilər.

Xatırladaq ki, aprelin 2-də ABŞ Prezidenti Donald Tramp 185 ölkə və əraziyə qarşı yeni gömrük rüsumlarının tətbiq olunduğunu elan edib. Ümumi 10 faizlik tariflər aprelin 5-də qüvvəyə minib, fərdi tariflər isə aprelin 9-da tətbiq edilib. Eyni zamanda Tramp aprelin 9-da bəzi ölkə və ərazilərə qarşı qarşılıqlı prinsip əsasında tətbiq olunmuş əlavə gömrük rüsumlarının 90 gün müddətinə təxirə salındığını bildirib. Ağ Ev bu qərarın ticarət danışıqları aparıldığı üçün verildiyini və bu müddətdə 10 faizlik ümumi tarifin qüvvədə qalacağını bildirib.